- सागर निकवाडे

Nandurbar News : महिनाभरापूर्वी शंभर रुपये किलो दराने विक्री होणाऱ्या टाेमॅटाेला आता कवडी माेल दर मिळू लागला आहे. बाजार समितीत सध्या टाेमॅटाे दोन ते तीन रुपये प्रति किलोने शेतकऱ्यांकडून खरेदी केला जात आहे. यामुळे टाेमॅटाे उत्पादक शेतकरी अडचणीत आला आहे. (Maharashtra News)

टाेमॅटाेचे दर असेच पडत राहिले तर शेतकऱ्यांच्या लागवड खर्चही निघणार नसल्याने टाेमॅटाे उत्पादक शेतकऱ्यांमधून संताप व्यक्त केला जात आहे. बाजार समितीत जर भाव मिळणार नसेल तर टाेमॅटाे रस्त्यावर फेकून द्यायची वेळ येऊन ठेपल्याचे शेतक-यांनी नमूद केले.

टाेमॅटाेचा परत कॅरेट रेट दोनशे ते तीनशे रुपयांपर्यंत जात असल्याने उत्पादक शेतकऱ्यांना मोठा आर्थिक फटका बसत आहे. एकीकडे टाेमॅटाेचे दर वाढले तर सरकारकडून नेपाळ आणि इतर भागातून टाेमॅटाे आयात केले जातात मात्र दर पडल्यावर शेतकऱ्याला हमी भाव का दिला जात नाही असा प्रश्न उत्पादक शेतकरी उपस्थित करु लागले आहेत.

Edited By : Siddharth Latkar