Beed News :

बीड जिल्ह्यात खरीप हंगामामध्ये (kharif season) नुकसान झालेल्या 50 हजार 800 शेतकऱ्यांचा, केवायसीसह तांत्रिक कारणांनी तब्बल 15 कोटी रुपयांचा अग्रीम विमा लटकला असल्याचे समोर आले आहे. दरम्यान या संदर्भात एआयसी कंपनीने राज्य शासनाकडे मार्गदर्शन मागविले आहे. (Maharashtra News)

बीड जिल्ह्यातील 7 लाख 70 हजार शेतकऱ्यांसाठी दिवाळीपूर्वी पीक विमा अग्रीम मंजूर झाला होता. त्यानुसार भारतीय पीक विमा कंपनीने दिलेल्या याद्यानुसार आतापर्यंत 7 लाखांवर शेतकऱ्यांच्या बँक खात्यावर विमा अग्रीमची रक्कम जमा केली आहे.

दरम्यान अद्याप 50 हजार 800 शेतकऱ्यांच्या बँक खात्यावर जवळपास 15 कोटी रुपये जमा झाले नसल्याचा प्रकार समोर आला आहे. ई- केवायसीसह इतर कारणांमुळे विम्याची रक्कम जमा झालेली नाही अशी माहिती प्राप्त झाली आहे.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

ही तांत्रिक समस्या लवकरच सुटेल अशी आशा आहे. या संदर्भात एआयसी कंपनीने राज्य शासनाकडे याबाबत मार्गदर्शन मागविले आहे असे सांगण्यात आले.

Edited By : Siddharth Latkar