Sangli News: लिंबू बघितला की तोंडाला पाणी सुटल्याशिवाय राहत नाही. पण आज लिंबूचा दर भडकल्याने सर्वांच्‍या (Sangli News) तोंडाचे पाणी पळाले आहे. एक ते दोन रूपयाचा लिंबू आता १० ते १५ रूपये झाला आहे. या कडक उन्हाळयात लिंबुचा दर भडकाल्याने लिंबू सरबत ही महाग झाला आहे. (Latest Marathi News)

लिंबूला कधी नव्‍हे तो इतका दर मिळाला आहे. चांगल्या प्रतीचा लिंबू शेकडा ७०० ते ८०० रुपये दराने व्यापाऱ्यांना मिळतं आहे. यामुळे या ऊन्हात दिवसभर बसून लिंबू विकताना चार पैसे पदरात पडेनासे झाले आहे. लिंबू खरेदीला आलेले ग्राहक दर ऐकून आल्या पावली परत जाताना दिसत आहेत. एका लिंबूसाठी दहा ते पंधरा रूपये द्यावे लागत असल्‍याने ते न घेतलेलेच बरे असे ग्राहकांचे म्‍हणने आहे.

हॉटेलमध्‍येही लागल्‍या पाट्या

आवक कमी झाल्याने लिंबू महाग झाल्याचे व्यापाऱ्यांनी सांगितले आहे. लिंबूचे दर गगनाला पोहचले असल्‍याने आज हॉटेलमध्ये तर कोणत्याही पदर्थासोबत लिंबू मिळणार नाही असे बोर्ड लागले आहेत. आता जेवण, नाष्टा हा लिंबूशिवाय करण्याची वेळ खवयांवर आलेली आहे.