मावळ : महाराष्ट्र शासन (maharashtra government) कृषि विभागाच्या खरीप हंगामाला (kharip hangam) सुरुवात झाली आहे. मावळातील (maval) कुसगाव पमा पारंपरिक पद्धतीने लोकगीते गाऊन शेतकरी चारसूत्री भात (rice) लागवड करीत आहेत. ही लागवड कृषि अधिकारी स्मिता कानडे यांच्या मार्गदर्शनाखाली करण्यात येत आहे. (maval latest marathi news)

चारसूत्री लागवडीमुळे भाताच्या उत्पादनात वाढ होत असल्याने शेतकरी या लागवडीला जास्त पसंती देत आहेत. चारसूत्री लागवडीत भाताच्या पेंढ्याची राख चिखलणीच्या वेळेस, हिरवळीच्या खतांचा वापर, दोरीच्या साहाय्याने 15 बाय 25 सेंटी मीटर अंतरावर भात लावणे, युरिया ब्रिकेटचा वापर ह्या चारसूत्राचा वापर केला जातो.

त्यामुळे इंद्रायणी भाताचा वाण यांच पिकं मोठया जोमाने येतं. तालुक्यात सध्या विहीर, बोरिंग तसेच नदीच्या पाण्यावर चार सूत्री भाताची लागवड करण्याची लगबग सुरू आहे. पावसाने पाठ फिरवल्याने काही ठिकाणी शेतीची कामे रखडली आहेत. दरम्यान भाताची लागवड करताना शेतकरी पारंपरिक पद्धतीने लोकगीते गात असल्याने नवख्यांना त्याचे अप्रुप वाटत आहे.

Edited By : Siddharth Latkar