Pandharpur News : यंदाच्या ऊस गाळप हंगामासाठी रयत क्रांती संघटनेने पहिल्या उचलीची मागणी केली आहे. एफआरपी अधिक 500 अशी पहिली उचल द्यावी अशी मागणी रयत क्रांती संघटनेचे अध्यक्ष सदाभाऊ खोत यांनी पंढरपुरात केली. (Maharashtra News)

रयत क्रांती संघटनेची पंढरपुरात राज्यस्तरीय कार्यकारणीची बैठक गुरुवारी पार पडली. या बैठकीमध्ये विविध प्रकारचे 11 ठराव मंजूर झाले. मागील हंगामात गाळप झालेल्या ऊसाला प्रतिटन 200 रूपये दिवाळी पूर्वी द्यावेत,10 एचपी पर्यंत शेतकऱ्यांना (farmers) मोफत शेतीसाठी वीज पुरवठा द्यावा, साखरेवरील निर्यात बंदी उठवावी,साखरेची किमान विक्रीची किंमत 3500 रूपये करावे, दुष्काळजन्य परिस्थिती निर्माण झालेल्या भागात सरकारने शेतकऱ्यांना मदत करावी असे विविध ठराव एकमताने मंजूर करण्यात आले.

नोव्हेंबर मध्ये इस्लामपूर येथे इंडिया विरुद्ध भारत अशी परिषद घेण्यात येणार असल्याचे ही खोत यांनी जाहीर केले. संघटनेचा विस्तार करण्यासाठी आपण स्वतः दिवाळी नंतर राज्याचा दौरा करणार असल्याचे त्यांनी यावेळी सांगितले.

Edited By : Siddharth Latkar