परभणी : बऱ्याचशा शेतकऱ्यांचा कापूस वेचणी झाली आहे. तर दिवाळी झाल्यानंतर कापूस खरेदीला देखील सुरवात होत असून सेलू बाजार समितीत कापूस खरेदीच्या पहिल्याच दिवशी २५०० क्विंटल कापसाची आवक झाली असून सेलू, जिंतुरात सीसीआयकडून ७ हजार ५२१ भाव मिळाला आहे. 

यंदाच्या हंगामात मोठ्या प्रमाणात कापसाची लागवड झाली होती. मात्र अतिपावसामुळे कापूस खराब झाला होता. शिवाय कापसाला फुल धारणा देखील कमी झाली आहे. यामुळे उत्पन्न कमी येण्याची शक्यता आहे. दरम्यान परभणीच्या (Selu) सेलू येथील कृषी उत्पन्न बाजार समितीच्या कापूस यार्डात सीसीआयकडून कापूस खरेदीला सुरुवात करण्यात आली आहे. खरेदीच्या पहिल्याच दिवशी कापसाला ७ हजार ५२१ रुपये प्रतिक्विंटल भाव देण्यात आला आहे. तर (Cotton Price) कापूस खरेदीच्या पहिल्याच दिवशी २५०० क्विंटल कापूस दाखल झाला. 

दार वाढीची अपेक्षा 

सेलू शहरातील आठ कापूस जिनिंग प्रेसिंग सुरू झाल्या आहेत. खराडे सुरु झाल्यानंतर पहिल्या दिवशी कापूस विक्रीसाठी आणणाऱ्या शेतकऱ्याला साडेसात हजाराच्या वर दार मिळाला आहे. मात्र, सध्या कापसाला मिळत असलेल्या भावामुळे शेतीचा खर्चही निघत नसल्याने कापसाचे दर वाढतील; अशी आशा शेतकऱ्यांमधून व्यक्त होत आहे.