- मनोज जयस्वाल

Washim :

वाशिम जिल्ह्यातील शेलुबाजार (shelubazar) परिसर हा संत्र्याचा हब म्हणून ओळखला जातो. या भागातील संत्र्याला मागणी सुद्धा त्याच दर्जाची असते. मात्र, संत्र्याला मिळत असलेला कमी भाव आणि दोन दिवसांपूर्वी झालेल्या गारपीट आणि पावसामुळे संत्रा उत्पादक शेतकरी दुहेरी संकटात सापडला आहे. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

वाशिमच्या शेलुबाजार येथील संत्र्याला मोठी मागणी असते. मागच्या वर्षी चांगला दर मिळाल्यामुळे यंदाही शेतकऱ्यांनी त्याच दराची अपेक्षा केली होती. मात्र 700 ते 800 रुपये प्रति कॅरेट मिळणारा भाव यावर्षी मात्र 200 ते 300 वर येऊन पोहोचला आहे. 30 ते 35 रुपये मिळणारा किलोला भाव आज दहा ते पंधरा रुपयावर येऊन पोहोचला आहे. (Maharashtra News)

त्यातच दोन दिवसांपूर्वी झालेल्या गारपिटी आणि पावसामुळे होत्याच नव्हतं झाले आहे. निम्म्यावर आलेले संत्र्याचे दर हे शेतकऱ्याचा आर्थिक कणा मोडणार आहे. एकीकडे दरवाढ मिळत नसल्याने तर दुसरीकडे नैसर्गिक संकट शेतकऱ्यांवर कोसळल्यामुळे शेतकरी पूर्णपणे हतबल झाला असून आता यातून शेतकरी कसा सावरणार आहे याकडे शासनाने लक्ष देण्याची गरज निर्माण झाली आहे.

Edited By : Siddharth Latkar