सागर निकवाडे  

नंदुरबार : देशातील दुसऱ्या क्रमांकाची मिरचीची बाजारपेठ म्हणून नंदुरबारच्या कृषी उत्पन्न बाजार समितीची ओळख आहे. यावर्षी (Nandurbar) नंदुरबार बाजार समितीत विक्रमी मिरचीची आवक होण्याची शक्यता व्यक्त केली जात आहे. मागील वर्षाच्या तुलनेत दुप्पट मिरचीची आवक होईल; असा अंदाज (Bajar Samiti) बाजार समितीच्यावतीने व्यक्त केला गेला आहे. (Maharashtra News)

नंदुरबार बाजार समितीत मागील वर्षी २२५ हजार क्विंटल लाल मिरचीची खरेदी केली गेली होती. यावर्षी हा आकडा तीन लाख क्विंटलपर्यंत जाण्याची शक्यता व्यक्त केली जात आहे. गेल्या ८ ते १० दिवसात बाजार समितीत जवळपास ३० हजार क्विंटल लाल मिरचीची खरेदी केली गेली. यावर्षी तिला पोषक वातावरण असल्याने मिरचीचे उत्पादन चांगले येण्याची शक्यता आहे. तसेच मिरचीला बाजार भावही चांगला मिळत असल्याने नंदुरबार सोबतच शेजारील गुजरात आणि मध्य प्रदेशमधील (Farmer) शेतकरी मिरची खरेदीसाठी नंदुरबार बाजार समितीला प्राधान्य देत आहे.

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

जिल्ह्यात ९ हजार हेक्टर क्षेत्रावर मिरची लागवड
नंदुरबार जिल्ह्यात यंदा ९ हजार हेक्टर क्षेत्रावर मिरची लागवड झाली आहे. नंदुरबार बाजार समितीत मोठ्या प्रमाणात मिरची विक्रीस येत असून शेतकरी मिळणाऱ्या दरावर नाराज असून अजून दर वाढवून मिळावेत अशी मागणी शेतकऱ्यांकडून व्यक्त केली जात आहे.  मागील आठ ते दहा दिवसात ३० हजार क्विंटल मिरचीची खरेदी बाजार समितीत झाली आहे. सध्या ओल्या लाल मिरचीला अडीच ते ५ हजारपर्यंत प्रति क्‍विंटल दर वाढण्याची शक्यता आहे.