सागर निकवाडे 
नंदूरबार : पाऊस नसल्याने त्याचा परिणाम सगळीकडेच झालेला पहावयास मिळत आहे. पाऊस पडत नसल्याने पिकांना पाणी देण्याचे काम शेतकरी (Farmer) करत आहे. यामुळे विजेच्या मागणीत वाढ झाली असून महावितरणकडून देखील अघोषित भारनियमन सुरु करण्यात आले आहे. एकीकडे (Nandurbar) दुष्काळी परिस्थिती तर दुसरीकडे अघोषित भारनियमन यात शेतकऱ्यांची पिकं वाचवण्यासाठी धडपड सुरु असल्याचे पहावयास मिळत आहे. (Live Marathi News)

नंदुरबार जिल्ह्यात मागील पंचवीस ते तीस दिवसापासून पावसाने दडी मारली आहे. जेमतेम वाढविलेल्या पिकांना पाण्याची गरज असतांना पाणी नाही. यामुळे पाणी वाचवण्यासाठी शेतकऱ्यांची धडपड सुरू आहे. समाधानकारक पाऊस झाला नसल्याने विहीर आणि बोरवेलची पाणीपातळी खालवली आहे. मात्र अपूर्ण होणाऱ्या विद्युत पुरवठ्यामुळे शेतकऱ्यांना उपलब्ध असलेले पाणीही पिकांना देता येत नाही. 

आठ तास वीज तिही मिळेना 

ग्रामीण भागात शेतीसाठी अवघा आठ तास विद्युत पुरवठा (Mahavitaran) महावितरण कंपनीकडून केला जात असतो. मात्र त्यातही वीज मिळत नसल्याचे चित्र आहे. जिल्ह्यातील ग्रामीण भागात अवघा दोन ते चार तास विद्युत पुरवठा विद्युत केला जात आहे. अनियमित विद्युत पुरवठ्यामुळे पाणी असूनही अनेक शेतकरी पिकांना वाचवू शकत नसल्याची स्थिती जिल्ह्यात दिसून येत आहे.