संजय सूर्यवंशी

नांदेड : शेतातील कृषी पंपाचा वीज पुरवठा खंडित केल्याने एका शेतकऱ्याने विज वितरण कार्यालयात गळफास घेऊन आत्महत्या करण्याचा प्रयत्न केला. याचा व्हिडिओ सध्या सोशल मीडियावर व्हायरल होत आहे. (Tajya Batmya)

नांदेडच्या अर्धापूर इथली ही घटना आहे. अर्धापूर तालुक्यातील लोणी बुद्रुक येथील शेतकरी केराबा भुसे या शेतकऱ्याने गळफास घेण्याचा प्रयत्न केला आहे. तिथे असलेल्या नागरिकांनी त्यांना रोखल्याने पुढील अनर्थ टळला. केरबा भुसे यांच्या शेतात मागील १२ दिवसांपासून वीज पुरवठा नाहीय.

वीज वितरण कंपनीचे दुर्लक्ष

शेतात केळीचे पीक आहे. परंतु वीज पुरवठा खंडित असल्याने केळी वाळायला लागली. अनेकवेळा वीज वितरण कंपनीकडे वीज पुरवठा सुरळीत करण्याची मागणी केरबा भुसे या शेतकऱ्यांनी केली. पण वीज वितरण कंपनीच्या अधिकाऱ्यांनी याकडे दुर्लक्ष केल्याचा आरोप शेतकऱ्यांनी केला आहे.