संजय सूर्यवंशी

नांदेड : नांदेड जिल्ह्यात पावसाने हाहाकार माजविला होता. जिल्ह्यात झालेल्या अतिवृष्टीमुळे शेती पिकांचे प्रचंड नुकसान झाले आहे. या नुकसानग्रस्त शेतकऱ्यांना तातडीने मदत मिळावी; यासाठी जिल्हाधिकाऱ्यांशी चर्चा करून आढावा घेणार असल्याची प्रतिक्रिया मदत व पुनर्वसन मंत्री अनिल पाटील यांनी दिली. 

राज्याचे मदत व पुनर्वसन मंत्री अनिल पाटील (Anil Patil) हे नांदेड जिल्ह्याच्या दौऱ्यावर आहेत. दरम्यान नांदेड जिल्ह्यात झालेल्या जोरदार पावसामुळे जिल्ह्यात सर्वाधिक नुकसान झाले आहे. प्रशासनाकडून याचे पंचनामे करून त्याचा अहवाल सरकारकडे पाठवून शेतकऱ्यांना तातडीने मदत मिळावी, यासाठी आपण प्रयत्नशील आहोत; अशी प्रतिक्रिया अनिल पाटील यांनी दिली.  

शेतकऱ्यांच्या बांधावर जाणार  

अतिवृष्टी भागाची पाहणी करून जिल्हाधिकाऱ्यांशी चर्चा करून आढावा घेतला जाईल. (Nanded) नांदेड जिल्ह्यामध्ये अतिवृष्टीमुळे नुकसान झाल्याचा अहवाल राज्य सरकारकडे पाठवण्यात येईल. त्यानंतर शेतकऱ्यांना तात्काळ मदत मिळावी; अशी भूमिका सरकारची आहे. यासाठी शेतकऱ्याच्या बांधावर जाऊन पाहणी करत शेतकऱ्यांच्या व्यथा जाणून घेणार असल्याचे अनिल पाटील म्हणाले.