- अजय सोनवणे

Nashik News : ऐन दिवाळीच्या सणाच्या काळात मनमाड बाजार समिती तब्बल आजपासून दहा दिवस बंद राहणार आहे. याबाबतची माहिती बाजार समितीने दिली असून शेतक-यांनी सहकार्य करावे असे आवाहन करण्यात आले आहे. (Maharashtra News)

व्यापारी वर्गाने केलेल्या विनंती अर्जानुसार आणि व्यापारी वर्गाकडील मजूरांची टंचाई असल्याने मनमाड बाजार समितीमधील कांद्याचे लिलाव १८ तारखेपर्यंत म्हणजेच दहा दिवस बंद राहणार आहेत. त्यानंतर १९ तारखेची साप्ताहिक सुट्टी आहे याची नाेंद शेतक-यांनी घ्यावी.

याबराेबरच २० तारखे पासून कांदा लिलाव पुर्ववत सुरु होणार आहे. धान्य लिलाव १० नोव्हेंबर ते १६ नोव्हेंबर पर्यंत म्हणजेच आठवडाभर बंद राहणार असल्याचे मनमाड बाजार समितीने जाहीर केले आहे.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

ऐन सणाच्या काळात जिल्ह्यातील अनेक बाजार समितीं मध्ये दिवाळी निमित्त कमी अधिक फरकाने बाजार समिती बंद राहणार असल्याने शेतक-यांची मात्र चांगलीच कोंडी झाली आहे.

Edited By : Siddharth Latkar