- तबरेज शेख

Nashik : नाशिक (nashik) जिल्ह्याला पुन्हा एकदा अवकाळी पावसाने (unseasonal rain) झोडपले आहे. आज पहाटेपासून शहर आणि जिल्ह्याच्या काही भागात विजांच्या कडकडाटासह जोरदार अवकाळी पावसाने हजेरी लावली आहे. (Maharashtra News)

सकाळ पर्यंत हा पाऊस सुरू होता. अद्यापही ढगाळ वातावरण असून आणखी पाऊस येण्याची शक्यता आहे. यातच पुन्हा एकदा अवकाळी पावसाने झोडपल्याने शेतकऱ्यांचे मोठं नुकसान झाले आहे. द्राक्ष पिकाला देखील याचा मोठा फटका बसला आहे.

पहाटे आलेल्या पावसामुळे द्राक्ष मणी गळून पडले असून झाडावर आलेले द्राक्षाचे गड सडून गेले आहेत. अनेक द्राक्ष बागा या पावसामुळे उध्वस्त होऊन द्राक्ष उत्पादक शेतकरी चांगलाच अडचणीत आला आहे.

शेतकऱ्यांच्या तोंडाशी आलेला हा घास अवकाळी पावसाने हिरावला आहे. रात्री पासून सुरू असलेले पावसामुळे शेतमालाच मोठ नुकसान झालं आहे.

Edited By : Siddharth Latkar