लातूर : लातूर इथल्या अहमदपूर तालुक्यातील खंडाळी गावच्या शिवारात कापूस पिकावर शंकी गोगलगायी पाठोपाठ आता पैसा या पिक नष्ट करणाऱ्या (Latur) अळीच मोठे संकट आहे. यामुळे कापूस पिकाचे (Cotton Crop) नुकसान होत असल्‍याचे अहमदपूर तिथल्या खंडाळी शिवारात दिसत आहे. (Latest Marathi News)

उशिराने आलेल्‍या पावसामुळे (Rain) यंदा पेरणी उशिराने झाली. यात उगवलेल्‍या पिकांवर देखील रोगराई पडलेली पहावयास मिळत आहे. उशिरा मान्सून सक्रिय झाल्याने जिल्ह्याच्या काही भागात पेरण्या रखडल्या होत्या. मात्र काही ठिकाणी पेरण्या झाल्याने पीक उगवण क्षमतेत असतानाच हे दुसरे संकट आलं आहे. त्यामुळे शेतकरी चहुबाजूने कोंडीत सापडला आहे.

दुबार पेरणीचे संकट

उगवलेल्या कापूस पिकावर आता गोगलगाय आणि पैसा अळीचे मोठे संकट आले आहे. उगवलेल्‍या कापसावर गोगलगाय व अळी असल्‍याने पिक नष्‍ट होत आहे. यामुळे अनेक शेतकऱ्यांना दुबार पेरणीची वेळ आली. गेल्या वर्षीच्या तुलनेत यंदाही जिल्ह्याच्या काही भागात गोगलगायी आणि पैसा अळीचे मोठे संकट आल्याने शेतकरी (Farmer) हातबल झाले आहेत.