जुन्‍नर : कवडीमोल बाजारभाव, रोगराईमुळे टोमँटो उत्पादक शेतकरऱ्याला उत्पादन खर्च तर सोडाच मजुरीचा खर्चही मिळत नसल्याने (Farmer) शेतकरी पुरताच हतबल झाला होता. अशातच आज नारायणगाव बाजार समितीत (Bajar Samiti) टोमँटोची विक्रमी आवक होऊन २० किलो कँरेटला ५०० रुपयांचा बाजारभाव मिळाल्याने शेतकऱ्यांना दिलासा मिळालाय. (Tajya Batmya)

मागच्या दोन महिन्यात टोमॅटोला कवडीमोल बाजारभाव मिळत होता. यामुळे टोमॅटोचा शेतात लाल चिखल झाला. तर काही शेतकऱ्यांनी संताप व्यक्त करत नारायणगाव बाजार समितीत टोमॅटो फेकला होता. अर्थात शेतकऱ्याने टोमॅटो पिकाची लागवड केल्‍यापासून लावलेला खर्च देखील भाव नसल्‍याने निघत नव्‍हता. यामुळे टोमॅटो उत्‍पादक शेतकरी हताश झाला होता.

टोमॅटोला रंग चढला

गेल्‍या काही महिन्‍यात टोमॅटोला अपेक्षीत असा भाव मिळाला नाही. मात्र आजपासुन नारायणगाव बाजार समितीत टोमॅटोची आवकही वाढली असुन विक्रमी बाजारभाव मिळाल्याने टोमँटो उत्पादक शेतकऱ्यांना उभारी मिळणार आहे.