- सागर निकवाडे

Nandurbar News :

रोजच्या आहारात वापरल्या जाणाऱ्या लसणाचा दर (garlic price hike) पुन्हा वाढला आहे. लसणाच्या दराने 400 रुपये किलोपर्यंत मजल मारली आहे. बाजारात दिवसेंदिवस लसणाच्या दरात वाढ हाेऊ लागल्याने गृहिणींचे आर्थिक गणित बिघडू लागले आहे. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

उत्पादनाअभावी बाजारात लसणाचा तुटवडा जाणवत आहे. त्यामुळे नेहमी 80 ते 100 रुपये प्रतिकिलो असणारा लसणाचा भाव हा 400 रुपयांच्या घरात पोचला आहे. खराब हवामानामुळे अनेक राज्यांमध्ये लसूण पिकांचे मोठं नुकसान झाल्याने उत्पादनात मोठी घट झाली आहे अशी माहिती शेतक-यांकडून मिळाली.

दरम्यान मागणी अधिक आणि पुरवठा कमी होत असल्याने लसणाच्या भावात वाढ झाली आहे असेही सांगण्यात येत आहे. नवीन लसूण पिकाची आवक होण्यास विलंब आहे. त्यामुळे भाव वाढत असल्याची माहिती जाणकारांनी दिली. (Maharashtra News)

Edited By : Siddharth Latkar