बुलडाणा : अल्पभूधारक शेतकऱ्याने (farmer) गळफास घेऊन आत्महत्या केल्याची घटना (buldhana) मोताळा तालुक्यातील वडगाव येथे घडली. किशोर श्रीकांत शेळके (४२) असे आत्महत्या केलेल्या शेतकऱ्याचे नाव आहे. त्यांच्या मागे वडील, भाऊ, पत्नी, मुलगा असा परिवार आहे. (buldhana latest marathi news)

किशोर शेळके यांच्याकडे साडेतीन एकर कोरडवाहू शेती आहे. सततची नापिकी व कर्जाचा वाढता बोजा यामुळे ते चिंतेत होते. नापीकीमुळे शेतीला लावलेला खर्चही निघत नव्हता. त्यामुळे कुटुंबाचा उदरनिर्वाह करून कर्ज कसे फेडावे या चिंतेत ते होते. त्यामुळे रविवारी दुपारी घरात एकटेच असताना धाब्याच्या घरातील लाकडी दांड्याला त्यांनी गळफास घेतला.

या घटनेची माहिती मिळताच बोराखेडी पोलिसांनी (police) घटनास्थळी धाव घेतली. परंतु वेळ निघून गेली हाेती. पाेलिसांनी घटनेचा पंचनामा केला. किशोर शेळके यांच्यावर बुलडाणा जिल्हा केंद्रीय बँक शाखा मोताळा, ग्रामीण बँक शाखा मोताळा यांचे २ लाख व इतर काही लोकांचे खाजगी कर्ज होते. यावर्षी पेरणीला पैसे नसल्याने त्यांनी शेती दुसऱ्याला ठेक्याने दिली होती.

Edited By : Siddharth Latkar