धुळे : मागील काही दिवसांपासून वातावरणात सातत्याने बदल होत आहे. कधी थंडी तर कधी अवकाळी (Dhule) पाऊस यामुळे वातावरणात बदल होत आहे. याचा परिणाम पिकांवर होताना दिसून येत आहे. यात हरभरा व कांदा पीक (Onion Crops) धोक्यात आले आहे. (Maharashtra News)

हवामान विभागातर्फे धुळे जिल्ह्यातील काही भागांमध्ये अवकाळी पावसाचा अंदाज वर्तविण्यात आला होता. याच पार्श्वभूमीवर गेल्या काही दिवसांपासून (Climate Change) वातावरणात मोठ्या प्रमाणात बदल देखील झाल्याचे दिसून आले आहे. खरीप हंगाम वाया गेल्यानंतर रब्बी पिकाची आशा शेतकऱ्याला (Farmer) आहे. मात्र वातावरणातील बदलामुळे हरभरा व कांदा पिकावरील प्रादुर्भाव वाढतच असल्याचे चित्र पाहण्यास मिळत आहे. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

जिल्ह्यामध्ये गेल्या काही दिवसांपासून ढगाळ वातावरण त्याचबरोबर सकाळी पडणारे धुके व अचानक काही वेळासाठी रिमझिम होणारा पाऊस या सर्वांमुळे हरभरा पिक व कांदा पिकावर विविध रोगांचा प्रादुर्भाव वाढत असल्याचे निदर्शनास आल्यानंतर पीक वाचवण्यासाठी आता शेतकऱ्यांना औषध फवारणी करावी लागत आहे.