धुळे : पावसाची शक्यता असल्याने शेतात काढणीला आलेला कांदा (Onion) काढ़ायला मजूर मिळत नाही. यामुळे नामी शक्कल लढवत शेतकऱ्याने (Farmer) काही वेळातच शेतातून मजुरां विना कांदा पिक काढले. (Maharashtra News)

गेल्या काही दिवसांपासून अवकाळी पावसाने संपूर्ण राज्यभरामध्ये मोठ्या प्रमाणात हजेरी लावली. यामुळे शेती पिकाचे नुकसान देखील झाले आहे. अशा परिस्थितीमध्ये आणखी देखील अवकाळी पावसाची शक्यता हवामान विभागातर्फे वर्तवण्यात आल्यामुळे काढनीला आलेले पीक लवकरात लवकर काढून घेण्यावर शेतकऱ्यांचा कल आहे.

मजूर मिळेना

काढणीला आलेले पीक शेतातून काढण्यासाठी मजूर देखील मिळत नसल्यामुळे शिंदखेडा तालुक्यातील मालपुर येथील एका शेतकऱ्याने नामी शक्कल लढवत कांद्याचं पीक काही तासातच आपल्या शेतातून काढले.

ट्रॅक्टरला लावला वखर

ट्रॅक्टरला वखर लावून या शेतकऱ्याने काही वेळातच संपूर्ण शेतातील कांद्याचे पीक हे मजुरांविनाच काढल आहे. अनोख्या पद्धतीने शक्कल लढवत कांद्याचं पीक काढणाऱ्या या शेतकऱ्याची संपूर्ण जिल्ह्यामध्ये मोठ्या प्रमाणात चर्चा सुरू आहे.