धुळे : शिरपूर तालुक्यात गेल्या पंधरा दिवसांपासून अधून मधून होत असलेल्या अतिवृष्टीचा फटका बसला आहे. पावसामुळे काढणीला आलेल्‍या कपाशीच्या पिकाला बसला आहे. (dhule-news-cotton-White-gold-blackened-Rains-hit-the-harvested-cotton)

सुरुवातीला पावसाने ओढ दिल्यामुळे शेतकऱ्यांसमोर पेरणी केलेले पिक जगवण्याच मोठे आव्हान उभे ठाकले होते. परंतु अशा परिस्थितीमध्ये देखील शेतकऱ्यांनी कसबस हे पीक जगवले. परंतु त्यानंतर कपाशी पिक काढणीला येण्यापूर्वीच पावसाने जोरदार हजेरी लावल्यामुळे हे पांढरे सोन पूर्णपणे काळवंडल आहे.

व्यापाऱ्यांकडूनही घेण्यास नापसंती

काढणीला आलेला कापूस पावसामुळे ओला झाल्यामुळे या कापसाला बाजारामध्ये भाव मिळत नाही. व्यापाऱ्यांनी देखील या कापसाला घेण्यास नापसंती दर्शवली आहे. त्यामुळे मोठा खर्च करून व मोठ्या मेहनतीने घेतलेल्या पिकावर पावसाचे पाणी फेरल्यामुळे या शेतकऱ्याला मोठ्या आर्थिक संकटाला सामोरे जावे लागत आहे.

शेतकऱ्यांना हवी मदत

या काळवंडलेल्या कपाशी पिकाच करायचे काय? असा प्रश्न या शेतकर्‍यासमोर उभा ठाकला आहे. तरी कृषी विभागाने संबंधित नुकसानग्रस्त शेतकऱ्यांच्या शेताची पाहणी करून पंचनामे करावेत व नुकसान ग्रस्त शेतकऱ्यांना दिलासा द्यावा अशी मागणी शेतकऱ्यांकडून करण्यात येत आहे.