अकोला : अकोल्यातील (akola) दहिगाव गावंडे गावात गेल्या काही दिवसांपासून अज्ञात आजाराने शेळ्यांचा मृत्यू होत आहे. गावातील सरकारी पशुवैद्यकीय दवाखाना बंद असल्याने गावकरी त्रस्त झाले. गरीब गावकऱ्यांचे आर्थिक नुकसान होत आहे. याकडे वरिष्ठ अधिकाऱ्यांनी लक्ष देण्याची मागणी होत आहे.

गावातील गजानन फरकुंडे यांच्या आतापर्यंत तीन शेळ्यांचा मृत्यू झाला आहे. त्यामुळे आधीच अतिवृष्टीमुळे त्रस्त झालेल्या शेतकऱ्यांना मोठा फटका बसला आहे. तर दुसरीकडे गावात या जनावरांना वेगवेगळ्या साथीच्या आजाराने ग्रासले आहे. जनावराना वेळेवर पशुवैद्यकीय सेवा मिळत नसल्याने प्राण गमवावा लागत आहे.

पशुसंवर्धन विभागाच्या पशुसेवा या परिसरातील लोकांच्या जनावरांना योग्य वेळी उपचार मिळत नसल्याची खंत नागरिकांकडून व्यक्त करण्यात येत आहे. महिन्यापासून एकही पशुवैद्यकीय डॉक्टर हजर नाही.

तरी प्रशासनाने दखल घ्यावी एक डॉक्टरला चार गावाचा कार्यभार असल्यामुळे त्या डॉक्टरची भेट सुद्धा होत नाही. त्यामुळे शेळ्यांना जीव गमवावा लागला असा आरोप गजानन फरकुंडे यांनी केला.

Edited By : Siddharth Latkar