बुलढाणा : मागील दोन- तीन दिवसांपासून राज्यातील अनेक भागात वादळी वाऱ्यासह अवकाळी पाऊस (Rain) झाला. यात आज दुपारी मोताळा तालुक्यात अचानक वादळी वाऱ्यासह गारपीट झाली. यामध्ये (Buldhana) तालुक्यातील बोराखडी, अंत्री, पुन्हई यासह अनेक गावातील शेतकऱ्यांचे शेती पिकांचे प्रचंड नुकसान झाले आहे. (Latest Marathi News)

हवामान विभागाने वर्तविलेल्या अंदाजानुसार राज्यातील (Beed) बीड, अकोला, अमरावती, संभाजीनगर जिल्ह्यातील विविध भागात वादळी वाऱ्याचा तडाखा बसला आहे. वादळी वाऱ्यासह बहुतांश ठिकाणी गारपीट व पाऊस देखील आला आहे. यामुळे रब्बी हंगामातील ज्वारी. मका. बाजरी पिकांचे प्रचंड नुकसान झाले आहे. काही ठिकाणी तर ज्वारी काढणीला आली असताना वादळी वाऱ्यामुळे ज्वारीचे पीक आडवे झाले आहे. यामुळे (Farmer) शेतकरी पुन्हा एकदा संकटात सापडला आहे. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

मोताळा तालुक्यात अचानक झालेल्या गारपिटीमुळे शेतातील मका व ज्वारीचे पीक पूर्णपणे जमिनीवर झोपले असून शेतकऱ्यांच्या हातात तोंडाशी आलेला घास निसर्गाने हिरावून घेतला आहे. यामुळे शेतकरी प्रचंड अडचणीत आला असून प्रशासनाने तात्काळ सर्वे करून शेतकऱ्यांना मदत द्यावी; अशी मागणी आता शेतकरी वर्गाकडून होत आहे.