शुभम देशमुख 

भंडारा : गेल्या काही दिवसांपासून पाऊस नाही. यामुळे पिकांना पाणी देण्याची तयारी सुरु आहे. (Bhandara) अशात शेतात मोटारपंप सुरु करण्यासाठी गेलेल्या शेतकऱ्याचा (Farmer) दुर्दैवी मृत्यू झाला आहे. मोटार चालू करतांना विद्युत शॉक लागून मृत्यू झाला. (Maharashtra News)

भंडारा जिल्ह्याच्या साकोली तालुक्यातील चांदोरी शेत शिवारात विद्युत धक्का लागून अल्पभूधारक शेतकऱ्यांचा मृत्यू झाल्याची दुदैवी घटना घडली. रामकृष्ण तूळशीराम शेंद्रे (वय ७२) असे मृत शेतकऱ्याचे नाव आहे. मागील दहा (Electric Shock) दिवसांपासून पाऊस पळत नसल्याने शेतातील धानपीक सुकायला सुरुवात झाली आहे. पिकांना वाचविण्यासाठी शेतात पिकांना पाणी देण्याचे काम शेतकरी करत आहे. 

मृतक अल्पभूधारक शेतकरी रामकृष्ण शेंद्रे हे नेहमीप्रमाणे पळसपाणी शेत शिवारात धानपिकाला पाणी देण्याकरिता गेले होते. मात्र पाण्याचा मोटारपपं सुरू करतांना विद्यूत तारांना त्यांचा स्पर्श झाला. यात शेतकरी दूर फेकले गेले व त्यांचा यात मृत्यू झाला आहे.