शुभम देशमुख 
भंडारा : पारंपारिक धानशेतीला फाटा देत शेतीला आधुनिकतेची जोड देत शेतकरी आता शाश्वत आणि जास्त उत्पादन देणाऱ्या मिरचीची शेती करत आहेत. (Bhandara) भंडारा जिल्ह्यातील लाखनी तालुक्यात येत असलेल्या किटाडी येथील शेतकरी (Farmer) लेकराम चौधरी यांनी देखील पारंपारिक शेतीला फाटा देत मिरचीची शेतीचा पर्याय निवडला आहे. आता या शेतीतून लाखोंचे उत्पन्न मिळत आहे. तिखट मिरचीने आता लेकराम यांच्या जीवनात गोडवा निर्माण केला आहे. (Live Marathi News)

भंडारा जिल्ह्यातील किटाडी येथील लेकराम चौधरी या शेतकऱ्याने कमी पाणी आणि कमी खर्चात मिरचीच्या शेतीतून भरघोस उत्पन्न मिळवले आहे. लेकराम यांचा धानाच्या पट्ट्यात मिरची शेतीतील यशस्वी प्रयोग करत इतर शेतकऱ्यांसाठी प्रेरणादायी ठरत आहे. किटाडी येथील शेतकरी पिढ्यानपिढ्या पारंपरिक धानाची शेती करतात. मात्र, या शेतीतून हवा तेवढा नफा मिळत नाही. त्यात नैसर्गिक संकटांचा सामना शेतकऱ्यांना करावा लागतो. याला पर्याय म्हणून कमी पाण्याची व कमी खर्चाच्या शेतीसाठी लेकरामने मिरचीच्या शेतीचा वेगळा पर्याय शोधला आहे. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

८ लाखाचे उत्पन्न 

सव्वा एकर जागेत मिरचीची लागवड केली. यातून त्यांना तब्बल आठ लाख रूपयाचे उत्पन्न मिळाले असून तिखट मिरचीने त्यांच्या जिवनात गोडवा निर्माण केला आहे. तर आता मिरची उत्पादनातून भरघोस उत्पन्न घेणारे शेतकरी लेकराम चौधरी हे इतर शेतकऱ्यांना पारंपरिक शेतीकडे न वळता बागायती शेती करावी असे आवाहन करत आहेत.