बीड : बीडच्या माजलगाव शहरातील मोंढा मार्केटमध्ये सोयाबीनची आवक प्रचंड वाढली आहे. यामुळे गेल्या (Beed) दीड महिन्यात तब्बल ६२ कोटी रुपयांचे सोयाबीन खरेदी करण्यात आली आहे. या काळात १ लाख ३६ हजार १०० क्विंटल इतक्या सोयाबीनची खरेदी करण्यात आली असल्याची माहिती (Bajar Samiti) बाजार समितीचे सभापती जयदत्त नरवडे यांनी दिली. (Breaking Marathi News)

पाऊस कमी झाल्यामुळे यंदा बीड जिल्ह्यात दुष्काळ पडलाय. यामुळे शेतकऱ्यांनी सोयाबीनला काय भाव मिळत आहे? याची परवा न करता सोयाबीन विक्री केली. त्यामुळे मागील दीड महिन्यात माजलगावच्या मोंढ्यात १ लाख ३८ हजार १०० क्विंटल सोयाबीनची खरेदी करण्यात आली आहे. सुरुवातीला ४ हजार ५०० रुपयांपेक्षा कमी भावात विकणाऱ्या सोयाबीनला हळूहळू भाव चांगला मिळू लागला. त्यामुळे (Farmer) शेतकरी सोयाबीन घरी ठेवण्याऐवजी तात्काळ विक्री करत आहेत.

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

माजलगावच्या मोंढ्यात यावर्षी ५ हजार ५० रूपये सरासरीने सोयाबीनला ५ हजार १०९ रुपये सर्वात जास्त भाव मिळाला. तर ४ हजार ५०० रुपये सर्वात कमी भाव मिळाला. १ ऑक्टोंबर रोजी सोयाबीनच्या खरेदीला सुरुवात करण्यात आली होती. १७ नोव्हेंबरपर्यंत ६२ कोटी ३७ लाख ८ हजार ९३४ रूपयांच्या सोयाबीनची खरेदी करण्यात आली असल्याची माहिती बाजार समितीचे सभापती जयदत्त नरवडे यांनी दिली.