औरंगाबाद : पिक कर्जाची आवश्‍यकता असताना वेळेवर कर्ज मिळत नाही. फिराफिर करावी लागत आहे. यामुळे वैतागलेल्‍या शेतकऱ्यांनी (Farmer) बँक ऑफ महाराष्‍ट्र या बँकेला टाळे ठोकले. दीड तासापर्यंत हा प्रकार चालला. (Tajya Batmya)

गंगापूर तालुक्यातील (Aurangabad) तुर्काबाद खराडी येथील शेतकऱ्यांनी सहा ते सात महिन्यांपासून बँकेत नियमित पीक कर्ज भरत आहेत. कर्ज भरूनही शेतकऱ्यांना बँक (Bank) वेळेत पीक कर्ज देत नसल्याचा प्रकार सुरू होता. यामुळे अखेर तुर्काबाद खराडी येथील वैतागलेल्या शेतकऱ्यांनी थेट बँक ऑफ महाराष्ट्राला टाळे लावून आंदोलन केले.

मॅनेजरसह कर्मचारी आत कोंडले

यावेळी शेतकऱ्यांनी बँकेच्या विरोधात जोरदार घोषणाबाजी करत भरलेले पीक कर्ज लवकरात लवकर देण्याची मागणी केली. यावेळी जवळपास दोन तास शेतकऱ्यांनी बँकेतील मॅनेजर सह कर्मचाऱ्यांना बँकेत कोंडून ठेवले होते.