अमर घटारे 

अमरावती : शेतकरी आत्महत्येचे सत्र अजूनही थांबलेले नाही. अवेळी पावसाने शेतीच्या उत्पनाचे गणित बिघडले. (Amravati) यामुळे शेतीसाठी घेतलेले कर्ज कसे फेडायचे याची विवंचना असल्याने शेतकऱ्याने शेतातच गळफास घेऊन आत्महत्या केल्याची घटना घडली आहे. (Latest Marathi News)

अमरावती जिल्ह्यातील खोलापूर पोलीस स्टेशन अंतर्गत बुधागड येथील दादाराव तानोळकर असे आत्महत्या करणाऱ्या शेतकऱ्याचे (Farmer) नाव आहे. यंदा झालेल्या अवेळी पाऊस, यातूनउद्भवलेली सततची नापिकी, त्यात पिकांवर होणारा रोगांचा प्रादुर्भाव. यामुळे शेतीतून येणाऱ्या पिकाचे उत्पन्न कमी होते. यातून वाढत असलेला डोक्यावरचा कर्जाचा डोंगर कसा फेडायचा? या विवांचनेतून दादाराव तानोळकर यांनी जीवन यात्रा संपवली.
('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

पोलिसांकडून पंचनामा 
शेतकरी आत्महत्येची माहिती ग्रामस्थांनी पोलिसांना कळविली. सदर आत्महत्येची माहिती मिळताच पोलीस घटनास्थळी दाखल झाले. मृतदेहाचा पंचनामा करून पुढील तपास पोलीस करत आहेत. तसेच दादाराव यांच्या आत्महत्येमुळे परिवाराने आक्रोश केला.