अमर घटारे

अमरावती ; यंदा अवकाळी पावसाने राज्यातील अनेक भागात नुकसान केले आहे. यामुळे नुकसानग्रस्त शेतकऱ्यांना मदत जाहीर करण्यात आली होती. त्यानुसार (Amravati) अमरावती जिल्ह्यातील अवकाळीने नुकसान झालेल्या (Farmer) शेतकऱ्यांसाठी ३५७ कोटीचा निधी मंजूर झाला असून वाढीव निकषाने शेतकऱ्यांना ही मदत मिळणार आहे.  (Latest Marathi News)

नोव्हेंबर, डिसेंबरमध्ये अवकाळी पाऊस (Rain) राज्यातील अनेक भागात झाला होता. याचा फटका शेतातील पिकांना बसला असून शेतकऱ्यांचे मोठे नुकसान या अवकाळी पावसाने झाले होते. या नुकसानीचे पंचनामे करून शेतकऱ्यांना नुकसान भरपाई देण्याचे शासनाकडून जाहीर करण्यात आले होते. मात्र नुकसानीच्या दृष्टीने मिळणारी मदत ही कमी असल्याने वाढीव निकषाप्रमाणे मदत देण्याची मागणी करण्यात आली होती. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

अमरावती जिल्ह्यात नोव्हेंबर महिन्यातील अवकाळी पावसाने ३ लाख २२ हजार ९४४ शेतकऱ्यांच्या २ लाख ६ हजार २६५ हेक्टरमधील पिकांचे ३३ टक्केच्या वर नुकसान झाले होते. यासाठी वाढीव निकषाप्रमाणे ३५७.९५ कोटीचा निधी शासनाने मंजूर केला असून या निधीला मान्यता सुद्धा मिळाल्याची माहिती प्रशासनाने दिली आहे. यापूर्वी जिल्ह्याला अपुरा निधी मिळाल्यामुळे विभागीय आयुक्त कार्यालयामार्फत या निधीचा पाठपुरावा करून याची मागणी केली असता वाढीव निकषाप्रमाणे आता शेतकऱ्यांना मदत मिळणार आहे.