अकोला : शेतकऱ्यांचे पांढरे सोने म्हणून ओळखल्या जाणाऱ्या कापसाला (Cotton) सद्यःस्थितीत आठ ते नऊ हजार रुपये भाव मिळत आहे. त्यामुळे भाव वाढण्याच्या अपेक्षेपोटी हे पांढरे सोने सध्या घरात किंवा सुरक्षित ठिकाणी भरुन ठेवले आहे. (Letest Marathi News)

जिल्ह्यात अकोट, अकोला (Akola) येथे कापूस विकला जातो. बहुतांश जिनिंग प्रेसिंग याच भागात आहे. दरम्यान खासगी खरेदीदारांनी तीनशे ते चारशे रुपये भाव पाडल्याचीही चर्चा आहे. (Cotton Price) कापसाला सद्यःस्थितीत 8 ते 9 हजार दरम्यान भाव मिळत असल्याने व भाव वाढतील या आशेपोटी अनेक शेतकऱ्यांनी (Farmer) पिकवलेले पांढरे सोने घरात भरुन ठेवले आहे.

सीसीआयकडून अद्याप खरेदी नाही

तसेच जिल्ह्यात सीसीआय व फेडरेशनकडून अद्याप कापूस खरेदीचा मुहूर्त निघाला नाही. त्यामुळे शेतकऱ्यांनी काही प्रमाणात कापूस खासगी व्यापाऱ्यांना दिला आहे.