सचिन बनसोडे 

राहाता (अहमदनगर) : डाळिंबाला आतापर्यंत मिळाला इतका उच्चांकी दर मिळाला आहे. अहमदनगरच्या (Ahmednagar) राहाता बाजार समितीत शेतकऱ्याच्या (Pomegranate) डाळिंबाला उचांकी ८०० रुपये प्रति किलो दर मिळाल्याने शेतकरी सुखावला आहे. (Live Marathi News)

पुणे जिल्ह्यातील नारायणगाव येथील युवा शेतकरी (Farmer) रमेश गाडेकर यांनी आपल्या शेतात विविध प्रकारच्या डाळिंबाची बाग फुलवली आहे. गाडेकर यांनी डाळिंबाची ताड करत आज आपली डाळिंब राहाता बाजार समितीत घेऊन आले. त्यांच्या इतर डाळिंबाला सरासरी तर भगवा व्हरायटिला हमाली, तोलाई आणि इतर खर्च वजा करता प्रतिकिलो ८०० रुपयांचा दर मिळाला. या व्हरायटीच्या २६ किलो डाळिंबाला १६ हजार रुपये मिळाल्याने शेतकऱ्याने आनंद व्यक्त केला.

आतापर्यंतचा उच्चांकी दर 

बाजार समितीत विक्रीसाठी आणलेल्या डाळिंबाला आतापर्यंत चांगला दर मिळाला नव्हता. परंतु राहाता बाजार समितीत ८०० रुपये प्रति किलो मिळालेला दर हा सर्वात जास्त दर असल्याचा दावा शेतकरी आणि व्यापाऱ्याने केला आहे.