मुंबई : कोरोना (Corona) रुग्णांच्या उपचारांसाठी सर्वात प्रभावी ठरलेली आणि सरकरकडून मान्यता दिलेल्या महत्त्वाच्या औषधांमधील एक असलेल्या रेमडेसिवीर इंजेक्शनचा मुंबई, ठाण्यासह (Mumbai, Thane) राज्यभरात तुटवडा निर्माण झाला आहे. Remdesivir Shortage in Maharashtra Black Marketing Started
रेमडेसिवीर इंजेक्शनसाठी कोरोनारुग्णांच्या नातेवाईकांची फरपट होत आहे.सरकारी व पालिकेच्या रुग्णालयांनी मे-जून महिन्यांमध्ये रेमडेसिवीरची मागणी केल्यामुळे सध्या त्यांच्याकडे काही प्रमाणात साठा उपलब्ध आहे. परंतु तुलनेने खासगी रुग्णालयांमध्ये तुटवडा जाणवत आहे.
औषध कंपन्यांनी मध्यंतरी पुरवठा सुरळीत केले. नंतर सरकारी रुग्णालयांमध्ये औषधे उपलब्ध झाली होती. त्यानंतर मार्च महिन्यात कोरोना रुग्णांच्या संख्येत झपाट्याने वाढ होऊ लागल्याने राज्यात रेमडेसिवीरचा (Remedesivir) तुटवडा जाणवत आहे.सध्याची परिस्थिती गेल्या वर्षीच्या मे-जून इतकी वाईट झाली आहे.
अनेक रुग्णालयातून रेमडेसिवीरची मागणी वाढल्याने उपलब्ध साठा संपत चालला आहे. दिलासादायक बाब म्हणजे पालिका तसेच शासकीय रुग्णालयात काही प्रमाणात साठा उपलब्ध असल्याची माहिती रुग्णालयांना रेमडेसिवीरचा पुरवठा करण्यास मदत करणारे एका आरोग्यसेवा सल्लागाराने दिली. Remdesivir Shortage in Maharashtra Black Marketing Started
आयसीयू खाटांसाठी धावाधाव
मुंबईत आयसीयू (ICU) खाटांचा तुटवडा निर्माण झाला आहे. पालिकेच्या सेव्हन हिल, नायर, बीकेसी जम्बो कोव्हिड सेंटरमधील सर्व आयसीयू खाटा भरल्या आहेत. त्यामुळे रुग्णांची खाटांसाठी धावाधाव सुरू आहे. मात्र कोरोना बाधित रुग्णांना दोन ते तीन दिवस खाटा मिळत नसल्याने त्यांचा रुग्णांचा जीव धोक्यात आला आहे.
अनेक रुग्णालयांमध्ये रेमडेसिवीरचा तुटवडा आहे. याशिवाय अनेक खासगी रुग्णालये त्याबाबतची व्यवस्था करण्यास सक्षम नाहीत. रेमडेसिवीरसाठी रुग्णांच्या नातेवाईकांना पायपीट करावी लागत आहे. याबाबत नुकतीच केंद्रीय आरोग्यमंत्री डॉ. हर्षवर्धन (Dr. Harshavardhana) यांच्याशी चर्चा केली.
- किरीट सोमय्या, भाजप नेते (BJP)
रेमडेसिवीरचे उत्पादन करणाऱ्या औषध कंपन्यांशी चर्चा सुरू आहे. रेमडेसिवीरची जादा किमतीने विक्री करणार नाही, यासाठी उपाययोजना करण्याच्या सूचना केल्या आहेत.
- राजेश टोपे (Rajesh Tope), आरोग्यमंत्री
Edited By - Digambar Jadhav
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.