प्रभू श्रीरामांच्या भव्य मंदिराचं अयोध्येत भूमिपूजन होणार आहे. पण त्याआधीच भक्तांना मंदिर कसं असेल. त्याची रचना काय आहे. किती मोठंय हे मंदिर असे प्रश्न पडू लागले. या सगळ्यांची उत्तरं आज साम टीव्हीवर आम्ही तुम्हाला देणार आहे. राम मंदिराची पहिली झलक आज आम्ही तुम्हाला दाखवतोय.
कित्येक वर्षांच्या प्रतिक्षेनंतर अखेर राम मंदिर मूर्त स्वरुपात येणार आहे. उद्या राम मंदिराची पहिली वीट पंतप्रधान नरेंद्र मोदींच्या हस्त रचली जाणार आहे. यासाठीची सर्व तयारी आता पूर्ण झालीय. याच दरम्यान राम मंदिर समितीकडून मंदिराची प्रतिकृती तयार करण्यात आलीय. ही प्रतिकृती विश्व हिंदू परिषदेच्या मंदिराच्या रचनेपेक्षा वेगळी आहे.
कसं असेल हे मंदिर पाहा
आधीपेक्षा मोठ्या जागेवर हे मंदिर उभारलं जाणार आहे. शिवाय मंदिराला तेच दगड लावले जातील, जे मंदिराच्या कार्यशाळेत तासले गेले आहेत. दिल्लीतल्या एका कंपनीला याचं कंत्राट देण्यात आलंय.
मंदिर निर्माणासाठी माती परीक्षणही करण्यात आलंय. आणि त्यानुसार 20 ते 25 फूट खोल पाया खोदण्यात येणार आहे. यावर प्रभू श्रीरामांचं भव्य असं मंदिर उभं राहणार आहे. जे मंदिर जगाला एकतेचा, सप्रभुतेचा आणि सदाचाराचा संदेश देईल.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.