उन्हाळ्याची चाहुल लागताच ग्रामीण महाराष्ट्राला पाणीटंचाईचे चटके बसू लागलेत. हिंगोलीत पाणी भरण्यासाठी गेलेल्या १३ वर्षांच्या मुलाचा विहिरीत पडून मृत्यू झालाय.
हिंगोलीच्या माळ हिवरा गावातली ही विहीर. या विहिरीत बुडून राहुल भोसले या मुलाचा मृत्यू झालाय. माळहिवरा गावात पाण्याची टंचाई आहे. पाणी आणण्यासाठी राहुल सकाळी आठ वाजता दोन किलोमीटर अंतरावरच्या विहिरीवर गेला होता. पाणी भरण्याच्या प्रयत्नात पाय घसरुन तो विहिरीत पडला. त्यात त्याचा जागीच मृत्यू झाला.
पाण्यासाठी सामान्यांचा जीव पणाला लावावा लागतो. दरवर्षी पाणीयोजनांवर कोट्यवधी रुपये खर्च केला जातो. तरीही राहुलसारख्या अनेकांचा हंडाभर पाण्यासाठी जीव जातो हे खेदजनक आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.