हिमाचल प्रदेश: उना जिल्ह्यात एका कारखान्यात स्फोट झाल्याची घटना समोर आली आहे . जिल्ह्यातील ताहलीवाल येथील कारखान्यात झालेल्या या स्फोटात 7 जणांचा मृत्यू झाला आहे. तसेच 10 जण जखमी झाल्याचे सांगण्यात येत आहे. स्फोटात 7 महिलांचा मृत्यू झाला आहे. तर, सर्व जखमींना उना येथील रुग्णालयात (Hospital) दाखल करण्यात आले आहे. दरम्यान, घटनेची माहिती मिळताच अग्निशमन दलाच्या गाड्या घटनास्थळी दाखल झाल्या. यासोबतच पोलीस आणि जिल्हा प्रशासनाचे पथकही घटनास्थळी पोहोचले असून त्यांनी या प्रकरणाचा तपास सुरू केला आहे.
मिळालेल्या माहितीनुसार, हा स्फोट उनाच्या हरोली येथील ताहलीवाल येथील फटाक्यांच्या कारखान्यात झाला आहे. येथे अपघातानंतस्फोटानंतर घटनास्थळी आग लागली आणि कामगार महिला जिवंत जळून खाक झाल्या आहेत. सध्या तरी ही आग विझवण्यात आली आहे. त्याचबरोबर जखमींना उना रुग्णालयात आणण्यात आले आहे. जखमींची संख्या अद्याप कळू शकलेली नाही. मात्र स्फोटानंतर सहा मृतदेह घटनास्थळी पडलेले दिसून आले असून ते सर्व महिलांचे आहेत. मृतांमध्ये तीन वर्षांच्या मुलीचाही समावेश असून स्फोटावेळी ती तिच्या आईसोबत होती. सध्या जिल्हा प्रशासनाकडून मृतांची ओळख पटवणे बाकी आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.