Dry Day : राम मंदिराच्या उद्घाटनाच्या दिवशी 'या' राज्यांत ड्राय डे, वाचा यादी

Ayodhya Ram Mandir Consecration

२२ जानेवारी रोजी अयोध्येत प्रभू रामाचा अभिषेक सोहळा (Ayodhya) संपन्न होणार आहे. या दिवशी अनेक राज्यांमध्ये दारू आणि मांस विक्रीवर बंदी (dry day) आहे. तेथील राज्य सरकारने हा निर्णय घेतला आहे. कोणकोणत्या राज्यांमध्ये ड्राय डे पाळला जाणार आहे, हे आपण सविस्तर जाणून घेवू या. (ram mandir latest update)

उत्तर प्रदेश

उत्तर प्रदेश (Uttar Pradesh) उत्पादन शुल्क विभागाने २२ जानेवारी रोजी सर्व दारू दुकानांना मद्यविक्री न करण्याच्या सूचना दिल्या आहेत. २२ जानेवारी २०२४ रोजी अयोध्येतील श्री राम जन्मभूमी येथील राम मंदिरात प्राणप्रतिष्ठा सोहळा होणार आहे. ११-०१-२०२४ च्या शासन आदेशान्वये, राज्यातील सर्व दारूची दुकाने २२ जानेवारी २०२४ रोजी बंद (dry day) राहतील, असा निर्णय घेण्यात आला आहे. परवानाधारक बंद केल्याबद्दल कोणत्याही नुकसान भरपाईचा किंवा दाव्यास पात्र असणार नाही, अशी नोटीस यूपी उत्पादन शुल्क आयुक्तांनी वाचली. (साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

मुख्यमंत्री योगी आदित्यनाथ यांनी २२ जानेवारीला दारूबंदीचे निर्देश दिलेत. तो राष्ट्रीय सण म्हणून घोषित करण्यात आला आहे. त्यांनी अयोध्येत स्वच्छता कुंभ मॉडेल राबवण्याचं आवाहन केलंय. तसेच सर्व शैक्षणिक संस्थांमध्ये सुट्टीचे आदेश देण्यात आले आहेत. मुख्यमंत्री आदित्यनाथ म्हणाले की, राज्यात १४ ते २० जानेवारी दरम्यान स्वच्छता कार्यक्रम राबवावेत. CISF चे १५० सशस्त्र सुरक्षा कमांडो अयोध्येतील महर्षि वाल्मिकी विमानतळाच्या सुरक्षेची जबाबदारी सांभाळणार आहेत.

आसाम

ईशान्येकडील राज्यात भाजप सलग दुसऱ्यांदा सत्तेवर आहे. आसामचे (Assam) मुख्यमंत्री हिमंता बिस्वा सरमा यांनी २२ जानेवारी हा राज्यात 'ड्राय डे' म्हणून घोषित केला आहे. X वरील एका पोस्टमध्ये मुख्यमंत्र्यांनी लिहिलं की, आम्ही आसाम मंत्रिमंडळाच्या आजच्या बैठकीत हा निर्णय घेतला आहे. श्री रामलल्ला यांच्या प्राणप्रतिष्ठेच्या निमित्ताने २२.०१.२०२४ रोजी ड्राय डे पाळला जाईल. मुख्यमंत्री महिला उद्योगमिता अभियानाला मान्यता दिली गेली आहे. ही नवीन योजना ग्रामीण महिला उद्योजकांना आर्थिक मदत करणार असल्याचं त्यांनी म्हटलंय.

राजस्थान

राजस्थान (rajsthan) राज्यामध्ये देखील २२ जानेवारीला ड्राय डे आहे. राजस्थान शहर जयपूरमधील महानगरपालिका हेरिटेज क्षेत्रातील मांसाची दुकाने २२ जानेवारीला बंद (dry day) राहतील. JMC हद्दीतील दारूची दुकाने बंद करण्याची मागणी भाजप नेते गोपाल शर्मा यांनी केली होती.

छत्तीसगड

छत्तीसगड सरकारने (Chhattisgarh) २२ जानेवारीला 'ड्राय डे' पाळण्याचा निर्णय घेतला आहे. या सरकारी निर्णयाची काटेकोर अंमलबजावणी व्हावी, यासाठी छत्तीसगड उत्पादन शुल्क विभागाकडून निर्देश जारी करण्यात आले आहेत. आदेशानुसार, छत्तीसगड उत्पादन शुल्क कायदा, १९१५ च्या कलम २४ च्या उप-कलम (१) अंतर्गत प्रदान केलेल्या अधिकारांचा वापर करून २२ जानेवारी रोजी राज्यातील सर्व देशी आणि विदेशी दारूची किरकोळ दुकाने, रेस्टॉरंट बार, हॉटेल बार आणि क्लब बंद राहणार आहेत. दारूच्या अवैध साठ्याला आळा घालण्यासाठी, संशयास्पद ठिकाणे आणि वाहनांवर लक्ष ठेवण्यासाठी तपास पथक तयार करण्यात आलं आहे. याशिवाय, सर्व जिल्हा कार्यालयांसह विभागीय आणि राज्यस्तरीय उड्डाण पथकांना दारूची अवैध वाहतूक व विक्री रोखण्यासाठी प्रभावी उपाययोजना करण्याच्या सूचना प्राप्त झाल्या आहेत.