Educational Crime: शैक्षणिक क्षेत्रात खळबळ माजवणारी बातमी; ५वी नापास असलेल्यांना दिलं १०वी पासचं सर्टीफिकेट, प्रकरण नेमकं काय?

अक्षय बडवे

Pune Educational Crime News : राज्याच्या शैक्षणिक क्षेत्रात खळबळ उडून देणारी बातमी समोर आली आहे. शिक्षणाचं माहेर घर म्हणून ओळख असलेल्या पुण्यातून आणखी एक घोटाळा समोर आलाय. दहावीच्या परीक्षेचे बोगस सर्टिफिकेट मिळत असल्याचे उघडकीस आले आहे. बोगस शाळांनंतर आता दहावी बोर्डाचे सर्टिफिकेट देणारी राज्यव्यापी टोळी सक्रिय झाली आहे.(Educational Crime)

एका टोळक्याने पाचवी, आठवी आणि दहावी नापास असलेल्या तरुणांना दहावी पास असलेले गुणपत्रक व दहावी बोर्डाचे सर्टिफिकेट मिळवून दिले आहे. या संपूर्ण घटनेबाबत एका आरोपीला अटक केली असून. ५० ते ६० हजार रुपये घेऊन बोर्डाचे बनावट प्रमाणपत्र देणाऱ्या या टोळीने आत्तापर्यंत ३५ जणांना फसवल्याची माहिती मिळाली आहे.

संदीप ज्ञानदेव कांबळे असे बनावट १० वी पासचे सर्टीफेट देणाऱ्या आरोपीचे नाव असून त्याला अटक करण्यात पोलिसांना यश मिळाले आहे. त्याच्या अन्य २ साथीदारांचा पोलिस शोध घेत आहेत. पुण्यातील एका तरुणाला नोकरीची गरज असल्याचे ओळखून आरोपी संदीप कांबळे यांनी ६० हजार रुपयात दहावी उत्तीर्ण प्रमाणपत्रात दिले होते. आरोपीने 60 हजार रुपयांमध्ये पाचवी नापास असलेल्या तरुणांना दहावीच्या बोर्डाचे सर्टिफिकेट, मार्कशीट आणि स्कूल ट्रान्सफर सर्टिफिकेट देत होता.

पोलिस उपायुक्त अमोल झेंडे यांनी दिलेल्या माहितीनुसार, संदीपने आणखी ३५ लोकांना पैसे घेऊन फसवल्याचे चौकशीत उघड झाले आहे. या प्रकरणात अनेक जण असल्याचा दावा पोलिसांनी केला असून हे सर्टिफिकेट कोणी वापरले असेल तर ते रद्द होईल अशी माहिती पोलिसांनी दिली आहे.

तसेच या संदर्भात शिक्षण मंडळाला देखील कळवण्यात येणार आहे. आधी TET, आरोग्य भरती, बोगस शाळा आणि आता थेट दहावी पास सर्टिफिकेटचा घोटाळा ऑक्सफर्ड ऑफ द इस्ट म्हणून ओळख असलेल्या पुण्यातून (Pune) येणं दुर्दैवी आहे.