शिर्डी : अहमदनगरच्या लोणी येथे प्रवरा रुग्णालयात (Pravara hospital) राज्यातील सर्वात मोठे आयसीयू सेंटर (big icu center) उभारले जाणार आहे. गुगल इंडिया (google India) तसेच इस्कॉनच्या (iskon) मदतीने 100 कोटी रुपये खर्च (hundred crore expenses) करून आयसीयू सेंटर उभं रहाणार आहे. ग्रामीण भागात आधुनिक व्हेंटीलेटरसह 100 बेड्स तसेच 315 आयसीयू बेड्सची उपलब्धता असणार आहे.
राज्यातील सर्वात मोठं आयसीयू सेंटर लोणीमध्ये उभारलं जाणार असून प्रवरा मेडिकल ट्रस्टच्या माध्यमातून गेल्या कित्येक दशकापासून ग्रामीण भागातील लोकांना अल्प दरामध्ये सेवा देण्याचे काम सुरू आहे. त्यामुळे आता ग्रामीण भागातील रुग्णांना शहरात जाण्याची गरज भासणार नाहीये. शिक्षण संशोधन रोजगार आणि उपचार अशा सर्व भूमिका पार पाडणाऱ्या प्रवरा मेडिकल ट्रस्टच्या माध्यमातून आयसीयु सेंटरच्या भूमिपूजन कोनशिलेचे अनावरण व व्हेंटिलेटचा लोकार्पण सोहळा बुधवारी पार पडला.
इस्कॉन गोवर्धन इकोव्हिलेजचे डायरेक्टर गौरंगदास प्रभू यांच्या शुभहस्ते लोकार्पण करण्यात आले. यावेळी प्रवरा मेडिकल ट्रस्टचे अध्यक्ष राजेंद्र विखे पाटील व प्रवरा मेडिकल ट्रस्टचा स्टाफ मोठ्या संख्येने उपस्थित होता.
Edited By- Naresh Shende
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
