Latur: संजय राऊत यांच्या अटकेच्या निषेधार्थ शिवसेनेचे आंदोलन

लातूर : शिवसेनेचे खासदार संजय राऊत यांना ईडीने अटक केली. याच्‍या निषेधार्थ लातूर जिल्हा शिवसेनेच्यावतीने (Shiv Sena) छत्रपती शिवाजी महाराज चौक येथे आंदोलन करण्यात आले. (Latur News Shiv Sena)

शिवसेनेच्‍या आंदोलकांनी केंद्र सरकार, भाजप (BJP) आणि ईडीच्या विरोधात घोषणा देत भाजपच्या बॅनरला जोडे मारून निषेध व्यक्त करत संजय राऊत (Sanjay Raut) यांच्या समर्थनार्थ घोषणा दिल्या. केंद्र सरकारने (ED) ईडी, सीबीआयचे शस्त्र वापरून शिवसेना संपवण्याचे काम सुरू केले आहे. अनेक लोकप्रतिनिधी भाजपमध्‍ये प्रवेश केला ते सर्व स्वच्छ झाले का? असा सवाल उपस्थित करत गद्दाराना हाताशी धरून शिवसेना संपवण्याची काम केले जात आहे. लातूरचे शिवसैनिक पक्षप्रमुख उद्धव ठाकरे यांच्यासोबत असून शिवसेना अभेद्य राहणार असल्याचे लातूर जिल्हाप्रमुख शिवाजी माने यांनी सांगितले.