सत्तार यांना मतिमंद मुलांच्या शिक्षकांकडून प्रशिक्षण द्यावे; आमदार कैलास गोरंट्याल यांची टीका

जालना : अब्‍दुल सत्तार मोठे झाले पण त्याची बुद्धी मोठी झाली नाही. शिंदे गटाने कृषिमंत्री अब्दुल सत्तार यांना मतिमंद मुलाच्या शिक्षकांकडून प्रशिक्षण द्यावे; अशी जहरी टीका (Congress) काँग्रेसचे जालन्यातील आमदार कैलास गोरंट्याल यांनी केली. (Live Marathi News)

जालन्यात (Jalna) गोरंटयाल यांनी पत्रकार परिषद घेतली या पत्रकार परिषदेत गोरंटयाल यांनी अब्दुल सत्तार (Abdul Sattar) यांच्यावर घणाघाती टीका केली. अब्दुल सत्तार हा मोठा झाला पण त्याची बुद्धी मोठी झाली नाही. अब्दुल सत्तार हा मूर्ख मंत्री आहे असा पुनरुच्चारही गोरंट्याल यांनी केलाय.

सत्‍तारांची मस्‍ती जिरवितो

सत्तार यांनी राष्ट्रवादीच्या खासदार सुप्रिया सुळे यांच्याबाबत वादग्रस्त वक्तव्य केले. पण माफी मागितली नाही; असे सांगत राहुल गांधींची ‘भारत जोडो यात्रा' एकदा होऊन जाऊ द्या मग दाखवतो. त्यांची मस्ती जिरवतो अशी धमकीही गोरंट्याल यांनी सत्तार यांना दिली.