जालन्यात दोन घरांवर सशस्त्र दरोडा; डॉक्टर दापत्यासह मुलांना मारहाण!

लक्ष्मण सोळुंके

जालना:- जाफ्राबाद शहरातील आदर्श नगर भागातील डॉ. हनुमान मारथा आणि विजय काकडे यांच्या घरावर सशस्त्र दरोडा पडल्याची घटना आज सकाळी तीन वाजेच्या सुमारास घडली आहे.

हे देखील पहा-

सशस्त्र आलेल्या सात ते आठ दरोडेखोरांनी घराचा दरवाजा तोडून घरात प्रवेश करत हा दरोडा टाकला. घरातील डॉ. हनुमान मारथा आणि विजय काकडे यांना शस्त्राचा धाक दाखवत घरातील कुटुंबियांना मारहाण करत सोने, चांदीच्या दागिन्यासह रक्कम आणि त्यांच्या मुलीच्या बी. एम. अस. च्या कागद पत्रासह पोबारा केला आहे.

घटनेची माहिती मिळताच पोलिसांनी दरोडेखोराचा पाठलाग ही केला. मात्र या घटनेत पोलिस उपनिरीक्षक पल्हाद मदन हे ही गंभीर जखमी झाले आहेत. मात्र अंधाराचा फायदा घेत दरोडेखोर पसार झाले आहेत.,या सशस्त्र दरोडयाने संपूर्ण परिसरात एकच खळबळ उडाली असून या प्रकरणी पोलीस अधिक तपास करत आहेत.

Edited By-Sanika Gade