Amravati Rain : वाठोडा शुक्लेश्वर गावात शिरलं पाणी; मोर्शित युवक गेला वाहून

- अमर घटारे

Amravati Rain : गेल्या चार दिवसापासून अमरावती जिल्ह्यात पावसाची संततधार सुरू आहे. या पावसामुळे (Rain) अमरावती जिल्ह्यातील अनेक प्रकल्पांचे सर्व दरवाजे उघडण्यात आले आहेत. यादरम्यान पूर्णा प्रकल्पाचे ९ दरवाजे उघडण्यात आल्याने पूर्णा नदीला महापूर आला आहे.

यामुळं नदी नाले देखील तुडुंब भरले आहेत. भातकुली तालुक्यातील वाठोडा शुक्लेश्वर गाव जलमय झाल आहे. नागरिकांच्या घरात देखील मोठ्या प्रमाणात पाणी शिरलं आहे. शेत जमिनी देखील पाण्याखाली आल्या आहेत. त्यामुळे नागरिकांचं प्रचंड नुकसान झालं आहे.

काल मध्यरात्री दरम्यान वाठोडा शुकलेश्वर जलमय झाल्यानंतर स्थानिक अधिकारी मात्र या ठिकाणावरून गायब असल्याचा आरोप नागरिकांनी केला आहे. तर दुसरीकडे मोर्शी शहरात राम मंदिराजवळ लहान पुलावर पाणी वाहते आहे. दरम्यान अभिजित वैद्य या युवकाचा पाय घसरून तो वाहून गेला आहे. त्याचा शोध रेस्क्यु पथकाकडून सुरु असल्याची माहिती प्रशासनानं दिली.

Edited By : Siddharth Latkar