६ वर्षीय मुलीचे अपहरण करून बलात्कार; ३० वर्षीय आरोपीस अटक!

- संजय राठोड

यवतमाळ : मारेगाव तालुक्यातील मेंढणी आणि नवरगाव येथील बलात्कार व विनयभंग प्रकरण ताजे असतानाच पुन्हा एक बलात्काराची घटना उघडकीस आल्याने मारेगाव तालुका या घटनेमुळे हादरला आहे. पहापळ येथील एका ३० वर्षीय विवाहित इसमाने सहा वर्षाच्या मुलीचे अपहरण करून तिच्यावर बलात्कार केल्याचे पोलिसांनी दाखल केलेल्या गुन्ह्यावरून समोर आले आहे. दरम्यान, याप्रकरणी मारेगाव पोलिसांनी घटनेचं गांभीर्य लक्षात घेऊन काही वेेळात आरोपीला जेरबंद केले आहे.

हे देखील पाहा :

सदर आरोपीने सहा वर्षाच्या पिडीत मुलीचे मंगळवारी (ता.१०) अपहरण केले होते. दरम्यान, आपली मुलगी अचानक गायब झाल्याने व दिसून येत नसल्यामुळे नातेवाईकांनी त्या मुलीचा शोध घेतला. मात्र, मुलगी सापडली नाही. पहाटेच्या सुमारास शेतामध्ये हि मुलगी आढळून आली. मुलीच्या नातेवाईकांनी मुलीला घरी नेऊन विश्वासात घेऊन विचारपूस केली असता पीडित मुलीने कुटुंबियांना घटनेची माहिती दिली. तद्नंतर नातेवाईकांनी मारेगाव पोलीस स्टेशन गाठून तक्रार दिली.

Edited By : Krushnarav Sathe