Travel Trip : वसंत ऋतूत कोवळ्या पानांनी अन् पिवळ्या फुलांनी बहरून जातात भारतातील 'ही' ठिकाणं, नक्कीच भेट द्या!

Travel Planning :

बहुतेक ठिकाणी फेब्रुवारी ते मार्चच्या मध्यापर्यंत हवामान आल्हाददायक असते. प्रवासासाठी हा ऋतू खूप चांगला आहे. जर तुम्ही या सीझनमध्ये अशी जागा शोधत असाल जिथे तुम्ही आयुष्यभराच्या आठवणी तयार करू शकता.

तर तुम्ही भारतातील या ठिकाणांना भेट देण्याचे प्लानिंग (Planning) करू शकता. आज आपण भारतातील अशाच काही ठिकाणांबद्दल जाणून घेणार आहोत, जिथे फिरण्यासाठी वसंत ऋतू हा सर्वोत्तम ऋतू आहे. 

दार्जिलिंग, पश्चिम बंगाल

दूरवर पसरलेले हिरवेगार चहाच्या बागा आणि टॉय ट्रेनचा प्रवास ही दार्जिलिंगची ओळख आहे. इथलं वातावरण जवळपास वर्षभर आल्हाददायक असतं, पण फेब्रुवारीमध्ये हलका गारवा असल्याने इथलं सौंदर्यही द्विगुणित होतं. वसंत ऋतूमध्ये येथील टेकड्या रोडोडेंड्रॉन आणि मॅग्नोलियाच्या फुलांनी आणि सुगंधाने भरलेल्या असतात. जे पाहून एक वेगळाच आनंद मिळतो. 

मुन्नार, केरळ

मुन्नार हे केरळमधील एक अतिशय सुंदर हिल स्टेशन (Hill Station) आहे. म्हणजे हे ठिकाण पाहिल्याशिवाय सहल अपूर्ण मानली जाते आणि वसंत ऋतूमध्ये तिचे सौंदर्य शिगेला पोहोचते. आजूबाजूच्या टेकड्यांवर फुललेली विविध प्रकारची फुले पाहून मन प्रसन्न होते. असे सौंदर्य तुम्हाला स्वर्गात असल्याचा भास होतो. 

काश्मीर

काश्मीरला भारताच्या स्वर्गाचा दर्जा मिळाला आहे. इथे आल्यावर तुम्हाला कल्पना येईल की याला स्वर्ग का म्हणतात. काश्मीरचे सौंदर्य एकाच वेळी अनुभवता येत नाही. येथे उन्हाळ्यात वेगळे, हिवाळ्यात वेगळे आणि वसंत ऋतूमध्ये पूर्णपणे वेगळे दृश्य पाहायला मिळते. फेब्रुवारीमध्ये येथील दऱ्याखोऱ्यांमध्ये रंगीबेरंगी फुले उमलतात. ट्यूलिप्स आणि चेरीची झाडे मिळून असे दृश्य तयार करतात की एखाद्याला परदेशात असल्यासारखे वाटते.  

व्हॅली ऑफ फ्लॉवर्स, उत्तराखंड

उत्तराखंडमधील व्हॅली ऑफ फ्लॉवर्सला भेट देण्याचा सर्वोत्तम हंगाम जुलै ते सप्टेंबर हा असला, तरी येथे येऊन तुम्ही रंगीबेरंगी फुले पाहू शकता, परंतु असेच दृश्य फेब्रुवारी महिन्यातही पाहायला मिळते. येथे कुरण अल्पाइन फुलांनी झाकलेले आहे. समोरून असे दृश्य पाहून एक वेगळाच आनंद आणि शांतता जाणवते. हे दृश्य तुमचे फोटोही अप्रतिम बनवू शकते.