दुचाकी चालवत असताना वाहतुकीचे नियम पाळणे आवश्यक असते. मात्र सध्याचा तरुण पिढीला झालंय तरी काय असा प्रश्न मनात येईल अशा अनेक घटना दररोज घडत राहतात. सोशल मीडियावर व्हायरल होण्यासाठी तरुण मुलं आणि मुली वाहतुकीचे नियम मोडत स्वतःच्या आणि दुसऱ्यांच्या जीवाशी खेळ करतात. आताही असाच एक थक्क करणारा व्हिडिओ सोशल मीडियावर व्हायरल होताना दिसत आहे.

हा व्हिडिओ पाहून तुम्हीही चकित व्हाल आणि या तरुणावर संताप व्यक्त कराल. व्हिडिओमध्ये दिसत आहे की, तरुण दुचाकी चालवत आहे. दुचाकीवरून तो हायवेवर आला आहे. हायवेला सर्वजण सुसाट वेगात वाहने चालवतात. हा तरुण सुद्धा वेगात वाहन चालवताना दिसतोय. मात्र बाईक चालवत असताना त्याला स्टंट करण्याची इच्छा झालिये.

स्टंटसाठी हा तरुण थेट धावत्या बाईकवर उलट दिशेने बसला आहे. रस्ता न पाहता अचूक दुचाकी मी चालवू शकतो असं काहीसं त्याला दाखवून द्यायचं आहे. उलट दिशेने बसलेला असताना या तरुणाने मागे वळून एका हाताने बाईकचे हॅण्डल सुद्धा पकडले आहे. त्यात तो बॅलेन्स करत ड्रायव्हिंग करत आहे. तसेच अनेकदा हात सोडूनही त्याने दुचाकी चालवली आहे.

तरुणाचा व्हिडिओ @ghb_don24 या इंस्टाग्राम अकाऊंटवर पोस्ट करण्यात आला आहे. सध्या हा व्हिडिओ जोरदार व्हायरल होतोय. तरुण मुलं मुली अशी स्टंटबाजी करून स्वतः सह इतरांचा जीव देखील धोक्यात घालतात. अशा तरुणांना योग्य ती कारवाई झालीच पाहिजे असं नेटकरी म्हणत आहेत.

या आधी देखील सोशल मीडियावर असाच एक व्हिडिओ व्हायरल झाला होता. त्या व्हिडीओमध्ये एक व्यक्ती दुचाकीवर वनसाईड बसला होता. तसं बसून त्याने पूर्ण प्रवास केला. शिवाय चकित करणारी गोष्ट म्हणजे या व्यक्तीने दुचाकीचे हॅण्डल पकडले नव्हते. हायवेवर भरधाव वेगात त्याची दुचाकी पळत होती आणि तो आरामात हात मागे सोडून बसला होता.