Sillod Viral News: सोशल मीडियावर बऱ्याचदा गावाकडील शेतजमिनीवरुन लोकांच्या भांडणाचे व्हिडिओ आजपर्यंत व्हायरल झाले आहे. मात्र, सध्या व्हायरल होत असलेला व्हिडिओ सिल्लोड तालुक्यातील भवन ग्रामपंचायतीमधील महिलांचा आहे. ज्यात पंधराव्या वित्त आयोगातून आलेले पैसे सरपंच आणि ग्रामविकास अधिकाऱ्यांनी परस्पर काढल्याच्या कारणावरून महिलांमध्ये तुफान हाणामारी झालेली आहे.

व्हायरल होत असलेल्या या घटनेत नेहमीच दारू पिऊन झिंगलेल्या अवस्थेत येणाऱ्या ग्रामविकास अधिकाऱ्याची खरपट्टी गावातील महिला सदस्यांनी काढली. याबाबत पोलीस ठाण्यात तक्रार करण्यात आलेली आहे. भवन ग्रामपंचायत सरपंच, ग्रामविकास अधिकारी यांनी येथे ३० ऑक्टोबर २०२४ रोजी पंधराव्या वित्त आयोगातून सौर ऊर्जा दिव्यांच्या नावाखाली १ लाख ९३ हजार रुपये परस्पर काढले.

गावात कोठेही सौर दिवे लावलेले नसल्याची तक्रार मुख्य कार्यकारी अधिकारी जिल्हा परिषद यांच्याकडे करण्यात आली होती. याची चौकशी सुरू असताना पेव्हर्स ब्लॉकच्या नावाखाली ३ लाख रुपये काढून गावात कोठेही पेव्हर्स ब्लॉक बसविण्यात आलेले नसल्याची ग्रामपंचायत महिला उपसरपंच, सदस्यांनी केली होती. ती तक्रार का केली म्हणून सरपंच महिलेने इतर महिला सदस्यांना विचारला केल्यानंतर वादाला तोंड फुटले. त्यानंतर बंद खोलीत मीटिंगमध्येच चांगलीच हाणामारी झाली

हा व्हिडिओ (Video) सध्या इन्स्टाग्राम या सोशल मीडिया प्लॅटफॉर्मवर व्हायरल होत असून इन्स्टाच्या saamtvnews या अकाउंटवर अपलोड करण्यात आलेला आहे. आतापर्यंत व्हिडिओला अनेक लाईक्स मिळाले असून मोठ्या प्रमाणात व्ह्यूज मिळत आहेत शिवाय नेटकरी वर्गातून अनेक प्रतिक्रियाही आलेल्या आहेत.

टीप: महिलांच्या हाणामारीचा हा व्हिडीओ सोशल मीडियावर व्हायरल होत आहे. याची पडताळणी झालेली नाही. फक्त माहिती म्हणून आम्ही वाचक-प्रेक्षकांपर्यंत ही बाब पोहचवत आहोत. याचं आम्ही कोणत्याही प्रकारे समर्थन करत नाही.