Shocking Video: बदलापुरामधून एक धक्कादायक घटना समोर आली आहे.जिथे बदलापुरमधील सोसायटीत व्हॉलीबॉल खेळणाऱ्या मुलाकडून आपल्या मुलाला बॉल लागल्याच्या रागातून एका महिलेनं 14 वर्षीय मुलाला लाथाबुक्क्यांनी अमानुष मारहाण केलीय. ही घटना सीसीटीव्हीत कैद झाली असून मारहाण करणाऱ्या महिलेविरोधात बदलापूर पूर्व पोलीस ठाण्यात गुन्हा दाखल करण्यात आलाय.

बदलापूर(Badlapur) पूर्वेच्या कात्रप परिसरातील उच्चभ्रू सोसायटी आहे. या सोसायटीत राहणारा १४ वर्षीय मुलगा रविवार १९ जानेवारी रोजी सोसायटीत व्हॉलीबॉल खेळत होता. यावेळी तिथे खेळणाऱ्या एका ४ वर्षीय मुलाला त्यांचा बॉल लागला,

त्यामुळे त्याच्या भावाने आईला बोलावलं. यानंतर या मुलाच्या आईने तिथे येत काहीही न विचारता त्या चिमुकल्याला याला थेट मारहाण सुरू केली. तिने अनेकदा त्याच्या कानशिलात लगावल्या, पोटात लाथा घातल्या, तसंच त्याचा गळा पकडून तुला मारून टाकीन, कापून टाकीन अशा धमक्या दिल्या.

सर्व घटनेदरम्यान ज्या चिमुकल्याला मारहाण झाली त्याची आज्जी त्याला सोडवायला मध्ये पडली असता तिलाही या महिलेने धक्काबुक्की(Fighting) आणि शिवीगाळ केल्याची माहिती चिमुकल्याच्या आजीने दिली. मारहाणीचा हा सगळा प्रकार सीसीटीव्हीत कैद झालाय. यानंतर चिमुक्याच्या तक्रारीवरून बदलापूर पूर्व पोलीस ठाण्यात मारहाण करणाऱ्या महिलेविरोधात गुन्हा दाखल करण्यात आलाय.

टीप : सध्या हा व्हिडीओ सोशल मीडियावर व्हायरल होत आहे. याची पडताळणी झालेली नाही. फक्त माहिती म्हणून आम्ही वाचक-प्रेक्षकांपर्यंत ही बाब पोहचवत आहोत. याचं आम्ही कोणत्याही प्रकारे समर्थन करत नाही.