Local Train Viral Video: मुंबई लोकलमध्ये बऱ्याचदा भन्नाट घटना घडत असतात. कधी प्रवाशांमध्ये जोरदार राडा होतो, तर कधी कोणीतरी अनोख्या स्टाईलने गाणं गाताना दिसतो. मात्र, सोशस मीडियावर व्हायरल होणाऱ्या एका व्हिडिओने सर्व नेटकऱ्यांचे लक्ष वेधून घेतले आहे. या व्हिडिओमध्ये काही महिला त्या नटीने मारली मिठी या लोकप्रिय गाण्यावर डान्स करताना दिसत आहे.

लोकल ट्रेनमध्ये महिलांचा धम्माकेदार डान्स

व्हायरल (Viral) होत असलेल्या व्हिडिओमध्ये काही महिला प्रवासी दिसत आहे. त्यातील तीन महिला धम्माल डान्स करण्यास सुरुवात करतात. अगदी उत्साहात गाण्याच्या ठेक्यावर ताल त्यांनी धरला आहे. त्यात त्यांनी सध्या ट्रेंडमध्ये असलेल्या त्या नटीने मारली मिठी या गाण्यावर त्यांनी व्हिडिओ बनवला आहे. थेट लोकल ट्रेनमधील केलेला भन्नाट डान्स परफॉर्मन्स सध्या तुफान व्हायरल होत आहे.

या डान्सचा व्हिडिओ ट्रेनमधील एका महिला प्रवाशाने शूट केला आणि तो लगेचच सोशल मीडियावर अपलोड केला. जो आता इन्स्टाग्राम या सोशल मीडिया अकाउंटवर व्हायरल होत असून इन्स्टाच्या sawantvibhuti911 या अकाउंटवर अपलोड करण्यात आलेला आहे. आतापर्यंत या व्हिडिओला लाखोंच्या संख्येने लाईक्स मिळाले आहे शिवाय अनेक व्ह्यूज ही मिळालेले आहेत.

नेटकऱ्यांच्या भन्नाट प्रतिक्रिया

पाहता पाहता हा व्हिडिओ इतका व्हायरल झाला की, नेटकऱ्यांनी यावर कमेंट्सचा वर्षाव सुरू केला. त्यातील एका यूजरने कमेंट केली,''खतरनाक डान्स'' तर दुसऱ्या यूजरने कमेंट केली,''कमाल केला डान्स (Dance)ताईंनी'' शिवाय अन्य यूजर्संनीही महिलांच्या डान्सचे कौतुक केलेले आहे.

टीप : हा व्हिडीओ सोशल मीडियावर व्हायरल होत आहे. याची पडताळणी झालेली नाही. फक्त माहिती म्हणून आम्ही वाचक-प्रेक्षकांपर्यंत ही बाब पोहचवत आहोत. याचं आम्ही कोणत्याही प्रकारे समर्थन करत नाही.