Girl Catches Thief: पालघर जिल्ह्यातील आदर्श नगर परिसरात एका धाडसी तरुणीच्या प्रसंगावधानामुळे मोठी चोरी उघडकीस आली. घरफोडी करून सुमारे १० ते ११ लाखांच्या सोन्याच्या दागिन्यांसह पळ काढत असलेल्या दोन चोरट्यांपैकी एकाला तरुणीने पकडलं आणि दुसरा चोरटा मात्र अंधाराचा फायदा घेत घटनास्थळावरून पसार होण्यात यशस्वी झाला. सध्या या घटनेची चर्चा सोशल मीडियावर तुफान होत आहे.

पालघरच्या आदर्श नगर वसंत विला येथे रात्री आठ वाजताच्या सुमारास दोन चोरट्यांनी (Thief) घरात कोणी नसताना लॉक तोडून घरात शिरण्याचा प्रयत्न केला. मात्र, या घरात त्यांच्या हाती काहीच लागलं नसल्याने त्यांनी समोरच्या घरात घरफोडी केली.

या घरातून त्यांनी आठ ते दहा लाखांचा सोन्याचा ऐवज लंपास केला. मात्र, पळून जाताना घरातील तरुणी कल्पना चव्हाण ही बाजारातून परतली. यावेळी या चोरट्यांमध्ये आणि तरुणीमध्ये झटापट झाली असून एका चोरट्याला पकडून ठेवण्यात या तरुणीला यश आलं. चोरट्यासोबत झालेल्या झटापटीत तरुणी कल्पना चव्हाण ही जखमी झाली असली तरी देखील तिने या चोरट्याला पकडून ठेवलं यानंतर आरडाओरड केल्याने स्थानिक आणि घटनास्थळी धाव घेत या चोरट्याला पकडून बेदम चोप दिला

यानंतर या चोरट्याला पालघर पोलिसांच्या (Police) हवाली करण्यात आला असून, दुसरा चोरटा मात्र आठ ते दहा लाखांचा सोन्याचा ऐवज घेऊन घटनास्थळावरून पसार झाला आहे. झटापटीत जखमी झालेल्या तरुणी कल्पना चव्हाण हिच्यावर सध्या रुग्णालयात उपचार सुरू असून तिने दाखवलेल्या धाडसाच सध्या सर्वत्र कौतुक होते

टीप: हा व्हिडीओ सोशल मीडियावर व्हायरल होत आहे. याची पडताळणी झालेली नाही. फक्त माहिती म्हणून आम्ही वाचक-प्रेक्षकांपर्यंत ही बाब पोहचवत आहोत. याचं आम्ही कोणत्याही प्रकारे समर्थन करत नाही.