Women Viral Video: सोशल मीडियावर कायम विविध ठिकाणी घडलेल्या अपघाताचे व्हिडिओ व्हायरल होत असतात. बऱ्याचदा घडलेल्या घटनांचे मुख्य कारण अति घाई किंवा अति वेग असतो,मात्र असे असूनही वारंवार अति घाईमुळे अपघात किंवा काही व्यक्ती संकटात सापडतात. सध्या या गोष्टी संबंधित महिलाचा व्हिडिओ व्हायरल झालेला आहे,ज्यात महिला वेळ वाचवण्यासाठी ट्रेन खालून गेली मात्र धावत्या ट्रेनच्या खाली अडकली जाते.

व्हायरल (Viral)होत असलेल्या व्हिडिओत तुम्हाला एका रेल्वे ट्रॅकवरुन ट्रेन जाताना दिसत आहे. ट्रेन जात असताना अनेक नागरिक ट्रेनच्या खाली वाकून काहीतरी पाहताना दिसत आहे जर तुम्हीही ट्रेनच्या खाली नीट पाहिले तर एक महिला अडकलेली दिसत आहे. काही वेळाने नागरिकांनी सांगितल्यानंतर ट्रेनचा वेग कमी होऊन ट्रेन थांबते आणि तिथे जमलेले नागरिक महिलेला सुखरुप बाहेर काढण्यात यशस्वी होतात. तेथिलच एका व्यक्तीने सर्व घटना मोबाईलमध्ये कैद केली आहे.

सर्व थरारक व्हिडिओ एक्स या सोशल मीडिया प्लॅटफॉर्मवरील ''@gharkekalesh'' या अकाउंटवर पोस्ट करण्यात आलेला आहे. व्हिडिओ पोस्ट केल्यानंतर कॅप्शनमध्ये,''घाईघाईत एक महिला रेल्वे रुळावर पडली. तेवढ्यात लष्कराची विशेष मालगाडी आली. महिला ट्रॅकच्या मध्यभागी पडली. संपूर्ण ट्रेन तिच्या अंगावरून गेली. महिला पूर्णपणे सुरक्षित आहे, मथुरा यूपी'' असे घडलेल्या घटनेचे कारण लिहिले आहे.

व्हिडिओ व्हायरल झाल्यानंतर नेटकऱ्यांनी अनेक प्रतिक्रिया केलेल्या आहेत. त्यातील एका यूजरने लिहिले आहे की,''येवढी काय घाई असते'' तर दुसऱ्या एका यूजरने लिहिले आहे,''काय गरज होती'', अशा अनेक संतापजनक प्रतिक्रिया आलेल्या आहेत.

टीप : हा व्हिडीओ सोशल मीडियावर व्हायरल होत आहे. याची पडताळणी झालेली नाही. फक्त माहिती म्हणून आम्ही वाचक-प्रेक्षकांपर्यंत ही बाब पोहचवत आहोत. याचं आम्ही कोणत्याही प्रकारे समर्थन करत नाही.