सोशल मीडियावर सध्या गुलाबी साडी गाण्याचा ट्रेंड सुरु आहे. आतापर्यंत सर्वसामान्यांपासून ते बॉलिवूड सेलिब्रिटीपर्यंत सर्वांनीच गुलाबी साडी गाण्यावर रिल बनवली आहे. गुलाबी साडी गाण्याची क्रेझ आता परदेशातही पाहायला मिळत आहे. प्रसिद्ध इन्फ्लुएनसर रिकी पाँडने गुलाबी साडी गाण्यावर रिल बनवली आहे.

संजू राठोडचे गुलाबी साडी हे गाणं न्यूयॉर्क टाइम्स स्क्वेअरवर झळकले होते. त्यानंतर आता आयपीएलमध्येही संजू राठोडने हे गाणं गायलं होतं. त्यानंतर आता प्रसिद्ध इन्फ्लुएनसर रिकी पाँडनेदेखील रिल बनवली आहे.

रिकी पाँड हा डान्सिंग डॅड म्हणून प्रसिद्ध आहे. तो सोशल मीडियावर अनेक डान्सचे व्हिडिओ बनवत असतो. अनेकजण त्याचे व्हिडिओ पाहून दुसरे व्हिडिओ बनवतात. रिकीने आता गुलाबी साडी गाण्यावर जबरदस्त डान्स केला आहे. त्याने व्हिडिओत गुलाबी साडी गाण्यावर मस्त डान्स केला आहे. प्रत्येक स्टेप अगदी हुबेहुबे करताना दिसत आहे.

ricky.pond या इन्स्टाग्राम अकाउंटवरुन हा व्हिडिओ शेअर करण्यात आला आहे. या व्हिडिओवर नेटकऱ्यांनी लाईक्स आणि कमेंट्सचा वर्षाव केला आहे. मराठी गाण्याची भूरळ आता जगभरात पडतेय. मराठी गाण्यावर परदेशी व्यक्तीचा डान्स पाहून भारी वाटलं, अशा कमेंट्स आल्या आहेत.

संजू राठोडने हे गाण तयार केलं आहे. गुलाबी साडी हे गाणं प्रत्येक लग्नात, कार्यात वाजवताना दिसत आहे. बॉलिवूड सेलिब्रिटी माधुरी दिक्षित, नेहा कक्कर सर्वांनीच या गाण्यावर रिल्स बनवल्या आहेत.